मुख्य कुरा
- श्रम तथा व्यवसायजन्य सुरक्षा विभागले श्रमिकलाई अनिवार्य चाडपर्व खर्च दिन निर्देशन दिएको छ।
- श्रम ऐन २०७४ को दफा ३७ अनुसार सबै रोजगारदाता तथा प्रतिष्ठानलाई निर्देशन दिइएको हो।
- चाडपर्व खर्च एक महिना बराबरको आधारभूत रकमबराबर उपलब्ध गराउनुपर्नेछ।
- खर्च नदिए श्रम तथा रोजगार कार्यालय वा विभागमा इमेलमार्फत उजुरी दिन सकिनेछ।
झापा। श्रम तथा व्यवसायजन्य सुरक्षा विभागले श्रमिकलाई अनिवार्य चाडपर्व खर्च दिन निर्देशन दिएको छ । विभागले ‘श्रम ऐन २०७४ को दफा ३७’ अनुसार श्रमिकलाई अनिवार्य चाडपर्व खर्च दिन सबै रोजगारदाता तथा प्रतिष्ठानलाई निर्देशन दिएको हो ।
प्रचलित धर्म, संस्कृति तथा परम्परा अनुसार मनाइने चाडपर्वका लागि श्रमिकले पाउने एक महिना बराबरको आधारभूत रकम चाडपर्व खर्चका रुपमा उपलब्ध गराउनु ।
श्रम तथा व्यवसायजन्य सुरक्षा विभाग
कतिपयले श्रमिकलाई चाडपर्व खर्च नदिएको गुनासो आएपछि यस्तो निर्देशन दिनुपरेको विभागले जनाएको छ । विभागले प्रचलित धर्म, संस्कृति तथा परम्परा अनुसार मनाइने चाडपर्वका लागि श्रमिकले पाउने एक महिना बराबरको आधारभूत रकम चाडपर्व खर्चका रुपमा उपलब्ध गराउन भनेको छ ।
यसका बावजुत रोजगारदाता वा प्रतिष्ठानले चाडपर्व खर्च नदिए श्रम तथा रोजगार कार्यालय वा व्यवसायजन्य सुरक्षा विभागमा उजुरी दिन पनि विभागले आग्रह गरेको छ । उजुरी इमेलमार्फत दिन सकिनेछ ।






प्रतिक्रिया