मुख्य कुरा
- बिहीबार सुनको मूल्य प्रतितोला ३ हजार ३०० रुपैयाँले घटेर २ लाख ५७ हजार ६०० रुपैयाँ कायम भएको छ।
- बुधबार सुन प्रतितोला ६ हजार ३०० रुपैयाँले घटेर २ लाख ६० हजार ९०० मा कारोबार भएको थियो।
- चाँदीको भाउ ४५ रुपैयाँले घटेर प्रतितोला ३ हजार ३३५ रुपैयाँ पुगेको छ।
- अन्तर्राष्ट्रिय बजारमा सुन प्रतिऔंस ३ हजार ७२९ अमेरिकी डलरमा कारोबार भइरहेको छ।
काठमाडौं । नेपाली बजारमा सुन र चाँदीको मूल्य घट्ने क्रमले बिहीबार पनि निरन्तरता पाएको छ। पछिल्ला केही दिनदेखि ओरालो लागिरहेको सुनको भाउ आज थप घटेको हो।
नेपाल सुनचाँदी व्यवसायी महासंघका अनुसार बिहीबार सुनको मूल्य प्रतितोला ३ हजार ३०० रुपैयाँले घटेर २ लाख ५७ हजार ६०० रुपैयाँ कायम भएको छ।
बुधबार मात्रै सुनको मूल्य प्रतितोला ६ हजार ३०० रुपैयाँले घटेको थियो।
यसअघि बुधबार सुन प्रतितोला २ लाख ६० हजार ९०० रुपैयाँमा कारोबार भएको थियो। बुधबार मात्रै सुनको मूल्य प्रतितोला ६ हजार ३०० रुपैयाँले घटेको थियो।
त्यस्तै, चाँदीको मूल्यमा पनि गिरावट आएको छ। बुधबार प्रतितोला ३ हजार ३८० रुपैयाँ रहेको चाँदीको भाउ आज ४५ रुपैयाँले घटेर ३ हजार ३३५ रुपैयाँ कायम भएको महासंघले जनाएको छ।
यता, अन्तर्राष्ट्रिय बजारमा पनि सुनको कारोबार प्रति औसत ३ हजार ७२९ अमेरिकी डलरमा भइरहेको छ।
यससँगै नेपाली बजारमा लगातार सुनचाँदीको मूल्य घट्दा उपभोक्ताले केही राहत महसुस गरेका छन्।
यो खबर पढेर तपाईंलाई कस्तो महसुस भयो?
१ प्रतिक्रिया



प्रतिक्रिया