मुख्य कुरा
- झापाको दमकमा नाता फाउन्डेसनको आयोजनामा चारदिने कला, साहित्य तथा संगीत उत्सव हुने भएको छ।
- उत्सव कात्तिक १२ देखि १५ गतेसम्म सञ्चालन हुनेछ।
- पहिलो दिन कला प्रदर्शनी तथा उद्घाटन, दोस्रो दिन साहित्य महोत्सव, तेस्रो दिन कला कार्यशाला र अन्तिम दिन संगीत महोत्सव तथा सम्मान समारोह हुनेछ।
- नाता फाउन्डेसनका अध्यक्ष जितेन सम्पाङ राईका अनुसार स्थानीय सर्जकको प्रतिभा उजागर गर्ने उद्देश्यले उत्सव आयोजना गरिएको हो।
- उत्सवले युवाको सिर्जनात्मक क्षमतालाई प्रोत्साहन गर्ने अपेक्षा गरिएको छ।
दमक । झापाको दमकमा कला, साहित्य र संगीतको प्रवर्द्धन गर्ने उद्देश्यले चारदिने सांस्कृतिक उत्सव आयोजना हुने भएको छ। नाता फाउन्डेसनको आयोजनामा कात्तिक १२ देखि १५ गतेसम्म विभिन्न सिर्जनात्मक कार्यक्रमसहित उत्सव सञ्चालन गरिने भएको हो।
आयोजकका अनुसार उत्सवको पहिलो दिन कात्तिक १२ गते कला प्रदर्शनी तथा उद्घाटन समारोह हुनेछ। कात्तिक १३ गते दमक साहित्य महोत्सव, १४ गते कला कार्यशाला र अन्तिम दिन १५ गते संगीत महोत्सव तथा सम्मान समारोह आयोजना गरिनेछ।
नाता फाउन्डेसनका अध्यक्ष जितेन सम्पाङ राईले कला, साहित्य र संगीतको विकास तथा प्रवर्द्धनसँगै स्थानीय सर्जकको प्रतिभालाई उजागर गर्ने उद्देश्यले उत्सव आयोजना गर्न लागिएको जानकारी दिनुभयो।
दमकको सांस्कृतिक पहिचानलाई थप सशक्त बनाउँदै कला, साहित्य र संगीतप्रति रुचि बढाउन उत्सवले योगदान पुर्याउने अपेक्षा गरिएको छ।
जितेन सम्पाङ राई
उत्सवले विशेषगरी युवामा रहेको सिर्जनात्मक क्षमतालाई प्रोत्साहन गर्नुका साथै नयाँ प्रतिभालाई आफ्नो कला प्रस्तुत गर्ने अवसर प्रदान गर्ने अपेक्षा गरिएको छ। साथै, विभिन्न विधामा क्रियाशील सर्जकबीच अनुभव र सिर्जना आदानप्रदान गर्ने साझा मञ्चका रूपमा कार्यक्रमलाई अघि बढाइने आयोजकको लक्ष्य छ।
दमकको सांस्कृतिक पहिचानलाई थप सशक्त बनाउँदै कला, साहित्य र संगीतप्रति रुचि बढाउन उत्सवले योगदान पुर्याउने अपेक्षा गरिएको छ।
यो खबर पढेर तपाईंलाई कस्तो महसुस भयो?
२ प्रतिक्रिया






प्रतिक्रिया