मुख्य कुरा
- साँझ ५:४५ बजे झापाको कनकाई नगरपालिका वडा न.१ दुर्गापुरस्थित सहिद गेटअगाडि ट्रकले स्कुटीलाई ठक्कर दिएको।
- स्कुटीकी पछाडि सवार ३४ वर्षीय अम्बिका लावतीको बिर्तासिटी अस्पतालमा उपचारका क्रममा मृत्यु भएको।
- चालक ४५ वर्षीय अमृता थापा मगर घाइते भई बीएण्डसी अस्पतालमा उपचारमा रहेकी।
- ट्रक चालक इलामका ३६ वर्षीय छविकुमार मगरलाई नियन्त्रणमा लिइएको छ।
झापा, असोज २४ । आज साँझ झापाको कनकाई नगरपालिका वडा न.१ दुर्गापुरमा ट्रकले स्कुटीलाई ठक्कर दिँदा एकजना महिलाको मृत्यु भएको छ भने अर्की महिला घाइते भएकी छन् ।
साँझ ५:४५ बजे कनकाई वडा न.१ दुर्गापुरस्थित शहीद गेट अगाडि पूर्वपश्चिम राजमार्गमा लक्ष्मीपुरबाट सुरुङगातर्फ जाँदै गरेको प्र.१–०१–००१ख.४८०० न.को ट्रकले सोही दिशातर्फ जाँदै गरेको कोशी प्रदेश ०१–०२० प.९८७ न.को स्कुटीलाई ठक्कर दिएको थियो ।
दुर्घटनामा स्कुटी चालक कमल गाउँपालिका वडा न.५ बस्ने वर्ष ४५ की अमृता थापा मगर र स्कुटीमा पछाडी सवार दमक बस्ने वर्ष ३४ की अम्बिका लावती घाइते भएका थिए ।
अमृताको दाहिने हात र खुट्टामा चोट लागेको थियो भने अम्बिकाको टाउको, कम्मर, दाहिने हात र नाकबाट रगत बगेको थियो । अमृतालाई बीएण्डसी अस्पतालमा उपचारका लागि लगिएको थियो । अम्बिकालाई उपचारको लागि बिर्तामोडस्थित बिर्तासिटी अस्पतालमा ल्याएर पुर्याएर डाक्टरले चेकजाँच गर्दा मृत्यु भइसकेको थियो । मृतकको लाश तत्काल सोही अस्पतालमा रहेको छ ।
घटनास्थलमा अस्थायी प्रहरी बिट दुर्गापुरबाट प्रहरी सहायक निरीक्षक दीर्घबहादुर कार्कीको कमाण्डमा टोली खटिएर स्कुटी, ट्रक र इलाम नगरपालिका वडा नं. १० बस्ने वर्ष ३६ का छविकुमार मगरलाई नियन्त्रणमा लिएको छ । ट्रक र ट्रक चालक इलाका प्रहरी कार्यालय सुरुङगामा ल्याई राखिएको छ भने स्कुटी अस्थायी प्रहरी बिट दुर्गापुरमा राखिएको छ ।
यो खबर पढेर तपाईंलाई कस्तो महसुस भयो?
१ प्रतिक्रिया





प्रतिक्रिया