मुख्य कुरा
- दशैँका लागि टिकट बुकिङ बढिरहेका बेला महासंघले व्यवसायीलाई आग्रह गरेको छ।
- महिलालाई चालकको छेउको सिटको टिकट नदिन अनुरोध गरिएको छ।
- महिलालाई चालकको पछाडिको पंक्तिमा सिट दिन भनिएको छ।
- चालकलाई असहज हुने र ध्यान विचलित हुने गुनासो आएको बताइएको छ।
काठमाडौं । दशैँका लागि सार्वजनिक यातायातको टिकट बुकिङ बढिरहेका बेला नेपाल यातायात व्यवसायी राष्ट्रिय महासंघले महिलालाई चालकको छेउमा रहेको सिटको टिकट नदिन व्यवसायीलाई आग्रह गरेको छ।
महासंघका अध्यक्ष पुण्यप्रसाद सिटौलाले यात्रुको सुरक्षा र चालकलाई सहज रूपमा सवारी सञ्चालन गर्न दिन यस्तो आग्रह गरिएको बताएका छन्।
उनले टिकट काट्दा महिलालाई क्याबिनको अगाडिको पंक्तिमा भन्दा चालकको पछाडिको पंक्तिमा सिट उपलब्ध गराउन व्यवसायीलाई अनुरोध गरेका छन्।
चालकको छेउमा महिला यात्रु बस्दा चालकलाई असहज हुने तथा ध्यान विचलित हुनसक्ने गुनासो आएको उल्लेख गर्दै सिटौलाले दशैँको यात्रामा सम्भावित दुर्घटना न्यूनीकरण र यात्रुको सुरक्षालाई ध्यान दिन आग्रह गरे।
महासंघले दशैँको समयमा यात्रुको चाप बढ्ने भएकाले टिकट वितरणदेखि सवारी सञ्चालनसम्म सुरक्षा मापदण्डलाई प्राथमिकता दिन व्यवसायीलाई आग्रह गरेको छ।
दशैँको समयमा यात्रुको चाप बढ्ने भएकाले टिकट वितरणदेखि सवारी सञ्चालनसम्म सुरक्षा मापदण्डलाई प्राथमिकता दिन व्यवसायीलाई अनुरोध छ।
– नेपाल यातायात व्यवसायी राष्ट्रिय महासंघ अध्यक्ष पुण्यप्रसाद सिटौला




प्रतिक्रिया