मुख्य कुरा
- दशैँका लागि अधिकांश आन्तरिक हवाई टिकट बिक्री भइसकेका छन्।
- असोज २८ देखि कार्तिक १ सम्मका टिकट बुकिङ भएको एयरलाइन्सको भनाइ छ।
- बाढी पहिरोले राजमार्गमा क्षति पुगेपछि हवाई टिकटमा चाप बढेको छ।
- सार्वजनिक सवारीको अग्रिम टिकट बुकिङ अझै खुलाइएको छैन।
- बुकिङ कहिले खुल्छ भन्ने यकिन नभएको व्यवसायीको भनाइ छ।
काठमाडौँ । दशैँका लागि अधिकांश हवाई टिकटहरू बिक्री भइसकेका छन् । आन्तरिक हवाई उडान कम्पनीहरुका अनुसार दशैँका लागि सबैजसो टिकटहरु बिक्री भइसकेका हुन् ।
विशेषगरी असोज २८ गतेदेखि कार्तिक १ गतेसम्मका सबै हवाई टिकटहरु बुकिङ भइसकेको एयरलाइन्स कम्पनीहरुले जनाएका छन् ।
बाढी पहिरोका कारण अधिकांश राजमार्गमा क्षति पुगेपछि काठमाडौँ उपत्यकाबाट बाहिरिनेहरुले धमाधम हवाई टिकट काटेका छन् । यही कारण पनि यस वर्ष दशैंका लागि चाँडै नै टिकटहरु बुकिङ भएको एयरलाइन्स कम्पनीहरूको भनाइ छ ।

सबैजसो हवाई टिकटहरु बिक्री भइसक्दा भने सार्वजनिक सवारीको टिकट बुकिङ भने अझै खुलाइएको छैन । अग्रिम टिकट बुकिङ खुला नहुँदा यात्रुहरु अन्योलमा परेका छन् ।
यता यातायात व्यवसायीहरुले भने अग्रिम टिकट बुकिङ खुला गर्नका लागि आवश्यक समन्वय र तयारी गरिरहेको दाबी गरेका छन् । तर, टिकट बुकिङ कहिले खुल्छ? भन्ने यकिन भने नभएको यातायात व्यवसायीहरूको भनाइ छ ।
यो खबर पढेर तपाईंलाई कस्तो महसुस भयो?
२ प्रतिक्रिया




प्रतिक्रिया