मुख्य कुरा
- बडादसैँको टीकाको दोस्रो दिन पनि मान्यजन तथा आफन्तबाट रातो टीका र जमरा ग्रहण गर्ने क्रम जारी छ।
- विजयादशमीमा घरपरिवारमा टीका लगाएकाहरू आज टाढा रहेका आफन्त तथा ज्येष्ठ सदस्यकहाँ पुगेर आशीर्वाद लिँदैछन्।
- विजयादशमीमा भेट नसकेकाहरूले कोजाग्रत पूर्णिमासम्म टीका र जमरा थाप्ने परम्परा छ।
- बडादसैँलाई पारिवारिक पुनर्मिलन, आपसी सद्भाव र सांस्कृतिक परम्पराको पर्वका रूपमा मनाइन्छ।
दमक। बडादसैँको टीकाको दोस्रो दिन आज पनि मान्यजन तथा आफन्तबाट रातो टीका र जमरा ग्रहण गरी आशीर्वाद लिने क्रम जारी छ।
विजयादशमीका दिन आफ्नै घरपरिवारमा टीका लगाएका सर्वसाधारण आज टाढा रहेका आफन्त तथा ज्येष्ठ सदस्यका घरमा पुगेर टीका थाप्ने र आशीर्वाद लिने गरिरहेका छन्।
नेपाली समाजमा बडादसैँलाई पारिवारिक पुनर्मिलन, आपसी सद्भाव र सांस्कृतिक परम्पराको निरन्तरताको पर्वका रूपमा मनाइन्छ।
विजयादशमीका दिन भेटघाट गर्न नसकेका तथा मान्यजन टाढा रहेका व्यक्तिहरूले आजदेखि कोजाग्रत पूर्णिमासम्म आफन्तकहाँ पुगेर टीका र जमरा ग्रहण गर्ने परम्परा रहेको छ।
यस अवधिमा परिवार तथा आफन्तबीच भेटघाट गर्ने, आपसी सद्भाव र आत्मीयता साटासाट गर्ने तथा ज्येष्ठ सदस्यबाट आशीर्वाद लिने क्रम चलिरहन्छ। नेपाली समाजमा बडादसैँलाई पारिवारिक पुनर्मिलन, आपसी सद्भाव र सांस्कृतिक परम्पराको निरन्तरताको पर्वका रूपमा मनाइन्छ।






प्रतिक्रिया